Eka mbhurisano lowu nga va kona exikarhi ka muhaxi eka nongonoko wa Tiko A Xi-Etleli madyambu ya namuntlha Ernest Timbane na mutshami wa xituku wa nltwa awa vuyimeri eka timhaka ta dyondzo wa 'Giyani Bluewark' Dr. Rich Mashimbye, a kombisa xiyimo xa dyondzo hi mintlntlho leyi nga kona eswikolweni swa ku hambana kwala Afrika Dzonga. U ri ku katsiwa ku gandla ka vadyondzi eswikolwnei xikan'we nkayivelo wa switrhisiwa swin'we leswi nga na swita-ndzhaku eka mingiriko ya ku dyondza xikan'we ku dyondzisa. U ri hi minkarhi ya maxelo ya timpfula, mintlhonthlo yi ti yika matimba na ku ti kombisa swinene. Dr. Mashimbye u ri va tsakela ku ri mbulavulo wa President Cyril Ramaphosa loko a burisana na rixaka madyambu ya namuntlha lowu tivekaka hi '2025 State Of The Nationa Address' (SONA), wu tekela enhlokweni xiyimo xa vadyondzi na vadyondzisi vadyondzi hi xiviri hi ku hambana ka mintlhontlho ya tindzhawu ta tiko hi ku angarhela. U nyikile na xikombisao xa timhaka ta misava hi matirhelo ya swikolo eka xifundzha-nkulu xa Gauteng xikan'we mapaselo ya vadyondzi eka swifundzha-nkulu swin'wana. U ri wu fanele wu tlhela wu tiyisisa nhlayiseko na nsirhelo eka vodyondzi na vadyondzisi. Dr. Mashimbye u ri hikokwalaho ka mintlhontlho na swiphiqo swa ku hambana eka vadyondzi eswikolweni, mbulavulo wa SONA wu fanele wu ta 
na swintshunxo hi nomo wa President Ramaphosa madyambu ya namuntlha loko a buriusana na rixaka lowu tivekaka hi '2025 SONA'.