Eka hungu leri nga katsakanyiwa hi muteki wa mahungu ya hina muteki wa mahungu ya Michael Makungo ri vikiwa hi Ntwanano Vuma eka nongonoko wa Tiko A Xi-Etleli madyambu ya namuntlha, a ri tiyisisa swisolo na swivilelo swa vaaki. Va vilersiwa swinenene hi xiyimo xa biloho na xikan'we mafambelo ya swifambo exikarhi ka doraba ra Giyani na Tzaneen eka gondzo ra R529 eka Dzumeri eka xifundzha-nkulu xa Limpopo. Hi laha va nga boxa leswaku ku va gondzo ri nga tirheki na ku ka ku nga fambeki, va komberiwa ku ya tirhisa magondzo yan'wana. Va ri swi dya nkarhi na ku va onhela. Abraham Mthombeni wa nhlangana tithekisi wa Dzumeri Taxi Association, u ri gondzo leriya a ri fambeki na ku va onhela swifambo swa vona hi ku tikisela na bindzu ra vona. Hi hala tlhelo ku hlamuseriwa leswaku swirho swa xiyenge xa SANRAL, va ha kambela na ku langutisisa xiyimo hi maonhakelo ya gondzo laha ku katsiwa ka na biloho.