Mbhurisano exikarhi ka muvulavuleri wa maphorisa eka xifundzha-nkulu xa Limpopo Brigadier Hlulani Mashaba na muhaxi eka nongonoko wa Tiko A Xi-Etleli madyambu ya namuntlha Ernest Timbane, a wu ta na switsundzuxo ku bakanyela etlhelo swihehlo na milandzu ya ku teka nawu vaaki va wu veka emavokweni ya vona (mob justice' na ku tlhakisa xikan'we ku xanisa na vugevenga byihi na byihi. Brigadier mashaba u ri ku landzelela nawu swi na nkoka na ntikelo laha a kombelaka vaaki ku tirha na ku tirhisana na maphorisa hi ku landzelela nawu wa tiko ra Afrika Dzonga. Leswi swi va kona hi ku khomiwa xikan'we swigwevo eka hi matirhelo ya khoto ya le henhla ya Thohoyandou ehenhla ka ntlhanu wa vanhu. Mashaba u ri voniwile milandzu hi ku dlaya Doctor Mabunda emugangeni wa ka Nkomo ehandle-nyana ka doroba ra Giyani eka xifundzha-nkulu xa Limpopo hi lembe ra 2022. Ku vikiwa leswaku Mabunda wa makume mbirhi mbirhi wa malembe hi vukhale, u dlayiwile hi ku mbeyeteriwa no hisiwa hi ntlawa wa vanhu lava a va nwi hehla hi ku yiva. Mashaba u ri lava ntlhanu va nyikiwile xigwevo xa malembe ya ku su kukela eka ya nharhu ku ya makume mbirhi ya ku ya tshama ekhotsweni.

Brigadier Mashaba u tlhele a tiyisisa leswaku maphorisa ya khomile mune wa vaehleketeleriwa, lava va nga vachayeri va swibazani. Leswi swi va kona hi swihehlo swa swa milandzu yo tlhakisa, ku koxa mali na ku mbeyetela endhawini ya le Nobody ehandle-nyana ka doroba ra Polokwane eka xifundzha-nkulu xa Limpopo hi wa Vuvumbirhi. Mashaba u ri vaehleketeleriwa va kumiwile hi maphorisa va ri karhi va hlasela muchayeri wa movha. Va n'wi hehla hi ku tirhisa movha ku khandziyisa vanhu. U ri vaehleketeleriwa a va yile ehubyeni ya nawu ya le Mankweng laha va nga ta thela va tlhelela vhiki leri taka ku ya endla xikombelo xa 'bail'. Brigadier Mashaba, u ri tiyisisile switsundzuxo ku bakanyela etlhelo swihehlo na milandzu ya ku teka nawu vaaki va wu veka emavokweni ya vona (mob justice' na ku tlhakisa xikan'we ku xanisa na vugevenga byin'wana na byin'wana tani hi loko swi ri na khombo eka ntikelo wa voko ra nawu wa tiko ra Afrika Dzonga.