Hi mburisano exikarhi ka muvulavuleri wa maphorisa eka xifundzha-nkulu xa Limpopo Brigadier Hlulani Mashaba na muhaxi eka nongonoko wa Tiko A Xi-Etleli mixo wa namuntlha Clifford Maringa, a wu khumba mhangu ya ku balesela. Hi laha maphorisa ya le xitichini xa maphorisa xa Hlanganani eTiyani eka Magorho eka xifundzha-nkulu xa Limpopo, ya ha yaka emahlweni va hlotana na muehleketeleriwa naswona ya kombela ku pfuniwa hi vaaki. Hi loyi a hehliwaka hi ku balesela endzhawini ya Olifantshoek eHlanganani eka xifundzha-nkulu. Hi laha ku hehliwaka leswaku muehleketeriwa, u hlotanile na vanhu lava a nga ya va kuma laha ku nweriwaka kona byalwa laha a nga fika a balesela. Brigadier Mashaba, u ri muehleketeleriwa, u baleserile na ku dlaya munhu wun'we xikan'we ku vavisa wun'wana. Mashaba, u ri va ehleketelela ntlimbo na ku kokelana exikarhi ka mintlawa kambe a swi fanelenga ku dlayana. Brigadier Hlulani Mashaba, u ri maphorisa va kombela ku pfuniwa hi vulavisisi leswaku va ta fikelela ku khoma muehleketeleriwa loyi vaaki van'wana eOlifantshoek a tshembhaka leswaku va n'wi tiva swinene. U ri hi mahungu ku ya kongomisa exitichini xa maphorisa xa Hlanganani na ku bela nomboro ya ya riqinho ya '086 100 10111' eka maphorisa, swi nga ha fikelerisa ku khoma muehleketeleriwa loyi a nga na swihehlo swa milandzu yin'wana.