Hi hungu leri nga katsakanyiwa hi muteki wa mahungu ya hina eJohanesburg Puseletso Mokoena ri vikiwa eka nongonoko wa Tiko A Xi-Etleli mixo wa namuntlha hi Amukelo Ngobeni, a ri tiyisisa mhangu ya ndzilo exibedlhele xa Tembisa eEkurhuleni eka xifundzha-nkulu xa Gauteng. Hi laha swi nga fikelerisa leswaku ku rhurhisiwa vavabyi va nhlayo ya kwalomu ka 18 naswona a ku lovanga munhu. MEC wa ndzawulo ya rihanyu eka xifundzha-nkulu xa Gauteng Momantu Nkomo-Ralehoko, u hoyozerile swinene vatimela-ndzilo na xiyenge xa 'Ekurhuleni Emergency Management Team'. U ri va tirhile eka miako ya 'Accident and Emergency Unit' exibedlhele xa Tembisa hi nkarhi wa mhangu hi Muqhivela ni madyambu. Hi nkarhi wa mbulavulalo wa MEC Nkomo-Ralehoko tolo ehandle-nyana ka le xibedlhele, u boxile leswaku vulavisisi mayelana na swivangelo swa mhangu byi ya emahlweni na ku vona leswaku ku fanele ku fambiwa hi tindlela tihi hi ku fambisana na nhlayiseko na swirhelelo.