Breyten Breytenbach was een van die invloedrykste letterkundige figure in Afrikaans. Hy was wêreldberoemd as aktivis, digter, skrywer en skilder. Maar hy was ook iemand se man, pa, seun en broer. ‘n Vriend en mentor vir baie. In hierdie huldeblyk gesels die skrywers Justin Fox, Theo Kemp en Kerneels Breytenbach oor hulle vriend en mentor, en Brenda Breytenbach (sy broer Cloete se weduwee) onthou haar swaer. Anne-Ghret Erasmus-Coetzee, kurator van die Breytenbachsentrum op Wellington en weduwee van die letterkundige Ampie Coetzee, gesels oor hulle jarelange familievriend. Mede-digter Joan Hambidge groet Breyten met ‘n spesiale gedig.

n Program oor skrywers en digters en die boeke wat hulle skryf.

Skrywers en Boeke

Skrywers en boeke 27 November 2024

Ilse Salzwedel gesels met Bettina Wyngaardt oor WAT SÊ BETTINA, ‘n bundel met ‘n keur uit haar Litnet-rubrieke. Joernalis AJ Opperman vertel meer oor die bekroonde skrywer, digter, dramaturg en akademikus Marlene van Niekerk. Ilse Salzwedel gesels met Jeretha van der Merwe van die Kleinmond-leeskring. Johan Myburg gesels oor die wenners van die plaaslike Sunday Times-pryse, en stel ons voor aan Samantha Harvey wie se roman, ORBITAL, verlede week met die Bookerprys bekroon is. Kom vind uit wat is romanatasie, en hoekom jonger lesers dit so geniet. Johan vertel ook meer oor die wenners van die Kirkuspryse.

Skrywers en boeke 20 November 2024

Luister na ‘n heruitsending van Bettie Kemp se 2004-hoorbeeld oor Anjie Krog en haar ewe bekende ma, Dot Serfontein. In Johan Myburg se internasionale boekenuus stel hy ons voor aan die skrywer Rachel Cusk. Haar roman, PARADE, is pas met die Goldsmiths-prys bekroon. Jy kan ook meer uitvind oor Hanif Kureishi se outobiografiese boek, SHATTERED, wat handel oor ‘n val wat hom verlam gelaat het. Johan vertel ook meer oor GABRIEL’S MOON, ‘n nuwe roman uit die pen van William Boyd.

Skrywers en boeke 13 November 2024

Sakejoernalis TJ Strydom gesels oor sy boeke oor drie leiers in die sakewêreld: Christo Wiese (RISIKO EN RYKDOM), Koos Bekker (BEKKER’S BILLIONS) en CAPITEC: STRYD MET DIE GROTES. Skrywer en letterkundige Jeanette Ferreira vertel van die boek wat haar lewenslank sal bybly. AJ Opperman vertel meer oor die digter Bibi Slippers wat onlangs verjaar het. In Johan Myburg se internasionale bydraes kan jy meer hoor oor Melissa Lucashenko, die Bollinger Everyman Wodehouse-prys vir humoristiese boeke (waar skrywers o.a. meeding om ‘n vark na hulself vernoem te kry) en A CITY ON MARS, wat onlangs met die Royal Society Trivedi-wetenskapprys in Brittanje bekroon is.

Skrywers en boeke 27 November 2024

In 1 playlist(s)

Skrywers en Boeke

Social links

Recent clips