SABC Nuus

Die DA-leier en burgemeesterskandidaat vir Kaapstad, Geordin Hill-Lewis, sê hulle sal toesien dat veiliger gemeenskappe in die Wes-Kaap geskep word om beleggingsgeleenthede te lok en werkgeleenthede te skep, sou hulle verkies word. Hy het duisende DA-ondersteuners toegespreek tydens die party se finale verkiesings-saamtrek in Belhar, Kaapstad. 

Die president van die IVP, Velinkosini Hlabisa, het 'n oproep gedoen vir 'n verenigde front en strenger straf vir skuldiges aan geslagsgeweld. Hlabisa het die skare toegespreek in Durban by die bekendstelling van die party se manifes vir die Ethekwini-munisipaliteit. 

Die ANC se sekretaris-generaal, Fikile Mbalula, sê dit sal vernietigend vir die party wees indien sy appèl oor kandidaatlyste in die Konstitusionele Hof misluk. 181 ANC-kandidate vir die plaaslike verkiesing in November in ses munisipaliteite in die Oos-Kaap, Vrystaat en KwaZulu-Natal is nie betyds ingedien op die Verkiesingskommissie se aanlyn stelsel nie.  Die Inkatha-vryheidsparty sê hy gaan die eThekwini-munisipaliteit, wat Durban insluit, se waterprobleme voorop stel indien hy verkies word.  Die hoofsekretaris van die SA Kommunistiese Party, Solly Mapaila, het die party se Rooi Oktober-veldtog bekend gestel in Komga in die Oos-Kaap. Die SAKP wil werkers en arm gemeenskappe mobiliseer voor die verkiesing op 4 November.   

Die Vryheidsfront Plus sê hy betree 'n nuwe era met die party wat toenemend steun van mense oor ras- en taalgrense heen ervaar. Die partyleier, Corné Mulder, sê hulle bly by hul beleid ondanks druk om van koers te verander namate die party se diversiteit uitbrei. Altesame 135 raadslidkandidate sal aan die komende plaaslike verkiesing in die Vrystaat deelneem, terwyl 15 in die Mangaung-metro sal staan. Mulder het Bloemfontein tydens sy verkiesingsveldtog besoek.

Action SA sê die DA is besig om Suid-Afrikaners se demokratiese reg om te kan stem van hulle te ontneem deur hulle jongste hofoptrede. Dit volg nadat die DA die kieshof genader het, om die proporsionele lyste van die Good party, Action SA , die MK-party en die EFF, onwettig te laat verklaar. Die DA wil ook hê dat die lyste tersyde gestel word. Die partye het slegs een kandidaat op die lyste vir verskeie munisipaliteite geplaas. Die DA voer verder aan dat kiesers van deurslaggewende inligting ontneem word deur net een kandidaat op die PR lys te plaas. Ons praat nou met 'n politieke ontleder van Unisa, Professor Dirk Kotze... 

Die Verkiesingskommissie het bevestig dat aansoeke vir spesiale stemme vir die komende plaaslike regeringsverkiesing oop is tot 12 Oktober.  Die president van die ANC, Cyril Ramaphosa sê aanspreeklikheid sal geëis word nadat sekere van die party se kandidatelyste vir die komende plaaslike regeringsverkiesings nie betyds by die Verkiesingskommissie ingedien is nie. 

Die DA-leier, Geordin Hill-Lewis sê inwoners van Ekurheleni in Gauteng sal veiliger wees indien die DA die Metro regeer. Hy het inwoners van Tsakane toegespreek, nadat die liggame van nege vroue sedert Julie in die Metro gevind is. Hill-Lewis se besoek vorm deel van die DA se veldtog in die aanloop tot die plaaslike regeringsverkiesing in November. Die Good-party sal vandag sy manifes vir die Kaapstadse Metro vir die plaaslike regeringsverkeising  in Athlone op die Kaapse Vlakte bekendmaak. Die party het in die verkiesing in 2021 nege setels in die Kaapstadse Metroraad gewen, met net meer as vier persent van die stemme. Die Al Jama-ah-party het bekend gemaak dat Ashley Mama sy burgemeesterskandidaat vir Johannesburg in die komende plaaslikeregeringsverkiesing sal wees.  

Die DA se verteenwoordiger op die Verkiesingskommissie se skakelkomitee, Werner Horn, sê hulle het reeds hofdokumente ingedien om 'n party van belang te wees in die ANC se saak teen die Verkiesingskommissie. Die ANC is ontevrede met die OVK se besluit om nie sy kandidate te aanvaar in ses munispaliteite wat na die spertyd ingedien is nie. Horn voer aan dat spertye in 'n vry en regverdige verkiesing vir álle partye geld.  Die MK-party het intussen sy burgemeesterskandidaat vir die Ethekwini-metro verwyder.  Zandile Hlophe-Mkhwanazi en 'n lid van die party se Kommunikasiekomitee, Sibonelo Maphumulo word daarvan beskuldig dat hulle met die party se kandidaatlyste gepeuter het wat twee weke gelede by die Verkiesingskommissie ingedien is.  

Die GOOD-party se sekretaris-generaal, Brett Herron, sal die party verteenwoordig as die burgemeester-kandidaat vir Kaapstad in die opkomende plaaslike regeringsverkiesing op 4 November. Die politieke party, wat in 2018 gestig is, het gister sy burgemeesterkandidate bekend gestel vir die 20 munisipaliteite waarin hy sal deelneem. Ricardo van der Merwe is aangekondig as die party se kandidaat vir die burgemeesterpos in die Weskus-distriksmunisipaliteit, terwyl Marius van Stade in die Stellenbosch-plaaslike munisipaliteit sal deelneem, en Katriena Rubyn in die Witzenberg-plaaslike munisipaliteit. Die leier van GOOD, Patricia de Lille, verduidelik wat die party se plan-van-aksie is...

Die Suid-Afrikaanse Kommunistiese Party in die Wes-Kaap het regstappe teen die provinsiale ANC geneem, nadat die laasgenoemde besluit het om die SAKP se provinsiale sekretaris, Benson Ngqentsu, van die Wes-Kaapse provinsiale wetgewer, te verwyder. Ngqentsu en twee ander raadslede in die Suid-Kaap- en Overberg-streke is uit die kussings gelig, na bewerings dat hulle by 'n ander politieke party aangesluit het. Die SAKP in die provinsie beskryf die afdankings as 'n beplande verwydering van lede, wat die party in die openbaar verteenwoordig. Lizaan Groenewald het meer besonderhede.

Terwyl die versekering gegee is dat daar geen onmin heers in die RNE nie, kan dieselfde nie gesê word van die drie party alliansie van die ANC nie. Die SAKP het die afgelope naweek gesê dat hy steeds wag vir 'n versoening beraad tussen die party. Dit is ook vir hom duidelik dat alliansie vennote geen sê het meer nie terwyl die regse , liberale en magte wat gekant is teen die vryheidsmanifes die oorhand kry. Dit met verwysing na die ANC se RNE vennote. Die SAKP sê die feit is bevestig deur die onlange kabinetskommelinge wat aanvanklik deur die DA aangekondig is en daarna deur die president bevestig is. Ons praat nou met 'n politieke ontleder van die Noordwes Universiteit se Sakeskool, Professor Andre Duvenhage....

President Cyril Ramaphosa het die Johannesburg Metro burgermeester Dada Morero se verskoning wat hy aangebied het na 'n uitval met 'n inwoner van die stad, aanvaar. Ramaphosa het wel gesê dat die optrede deur Morero heeltemal onaanvaarbaar is. Die openbare uitval tussen Morero en die inwoner het by die stad se Elektrisiteits imbizo in Tshepisong, verlede week plaasgevind. Ten aanskoue van die groep inwoners het een man heeltyd Morero as 'n krimineel uitgekryt, waarna Morero hom vererg en gesê het hy is nie 'n krimineel nie. Die woordewisseling het daarna ge-eskaleer en die Morero het die man gevloek en gesê hy is oud en praat nonsens. Ons praat nou met 'n Politieke ontleder verbonde aan CiviNoovus , professor Erwin Schwella

Die DA se prioriteit in Durban sal wees om die metro se probleme met water op te los. Dit was die DA leier - Geordin Hill-Lewis - se boodskap op 'n verkiesingsaamtrek in Umhlanga. Met net meer as 2 maande voor die munsipale verkiesings op 4 November, is dit sy tweede besoek aan Durban in die party se veldtog. By die vorige geleentheid het Hill-Lewis die enigste DA-beheerde munisipaliteit in KwaZulu-Natal by Howick besoek, en daarna 'n saamtrek in Pinetown toegespreek. Dries Liebenberg berig . . .