Kelebogile Kgetse o buisana le Mike Makwela wa PlanAct, ka morero wa tsamaiso e e sa lolamang kwa di-mmasepaleng, e e amang go rebolwa ga ditirelo.

Matshwenyego a bokgoni ba batsamaise ba di-mmasepala go dirisa matlole sentle gore baagi ba kgone go amogela ditirelo, a tlhagelela gangwe le gape. Mo dingwageng tse di ntseng di feta, bontsi ba batsamaise ba di-mmasepala ba ntse ba thapa batlhankela ba ba thusang ka merero ya ditshelete, go thusa go fetela le go tokafatsa seemo kwa di-mmasepaleng, fela seno go bonala se sa atlege. Go ya ka pegelo ya Morunyi ya ngwaga wa ditshelete 2021/2022, bathati ba di-mmasepala kwa province ya Kwa Zulu Natal ba duetse batlhankela kana consultant, diranta di feta di-million di le makgolo a mararo. Batsamaise ba di-mmasepala  mo province ya North West ba duetse di-consultant, diranta di feta di-million di le 280.