Bathati ba lefapha la bosetshaba la boitekanelo ba re baagi ba seka ba etsaetsega ka ntlha ya go oketsega ga palo ya batho ba ba tshwaediwang ke bolwetsi jwa Diphtheria. Seno se latela gore ba setheo sa malwetsi a tshelanwang, NICD ba itsise fa palo ya batho ba ba tshwaediwang ke bolwetsi jono ya oketsega. Le fa go le jalo, ba lefapha la boitekanelo ba re baagi ba tshwanela ba ya kwa maokelong kgotsa diclinic fa ba belaela gore ba ka tswa tshwaeditswe ke bolwetsi jono. Palo ya batho ba ba tshwaediwang ke bolwetsi jono jwa Diphtheria e oketsega thata kwa Province ya Western Cape le Gauteng