16 September 2026: Het jy al gehoor van ‘n pampoen wat 653 kg weeg? Wykus Lamprecht het dié reusepampoen op sy erf in Meyerton gekweek. Hy is die wenner van vanjaar se Goliat van Gat-pampoenkompetisie, en ons hoor wat dit behels om so ‘n produk te lewer. Hoe gaan dit met die rooivleisbedryf in die Noord-Kaap, en wat kan boere doen om hulleself in ’n beter posisie te plaas om die beste pryse moontlik vir hulle diere te kry? Ons het by die Agri Noord-Kaap-kongres met Yolandé Botha hieroor gesels. Aartappelproduksie in Limpopo is ook in die kollig met FP Coetzee van Aartappels SA.