16 Junie 2026: Het jy al gehoor van ‘n beesboer wat ook met papegaaie boer? Ellewee van Zyl en sy vrou, Ria, boer naby Upington met Santa Gertrudis-beeste. Hulle het tydens ‘n droogte besluit om ook ’n papegaaiboerdery te begin. Ons praat met Reno van Rooyen oor hulle Beefmaster-stoet, kommersiële kudde en voerkraal in die Kuruman-omgewing. Ons vind meer uit oor die werksaamhede van die Suidelike Afrikaanse Natuurbestuursverening. Dr. Helet Lambrechts vertel ook van dié vereniging se konferensie wat vroeg in September aangebied word.