Freek is verveeld in die tehuis waar hy woon, en besluit om vir hom ‘n “speelding” te bestel, al twyfel sy vriende Dawid en Hardus oor dié waagstuk. Dit maak veral vir die kuise Mara die josie in en sy en die ander vroue probeer hulle bes om die stukkie tegnologie te saboteer. Terwyl hulle reken Freek is besig om kêns te word, beraam hy ‘n plan wat Mara heeltemal onkant betrap. ‘n Vrolike, vermaaklike drama propvol kinkels. Die sterbelaaide rolverdeling in hierdie argiefdrama bestaan uit Louis van Niekerk, Tobie Cronjé, Paul Lückhoff, Rina Nienaber, Ria Smit, wyle Elize Cawood, Rika Sennett en Heidi Mollentze.

Teater van die verbeelding. Die dramas word in twee seisone uitgesaai: April tot Junie en Oktober tot Desember.