Khothe khulwane ire Polokwane fhano vunduni ḽa Limpopo yo pfa uri mukololo Vho-Masindi Mphephu a vhaho kha lutsinga lwa u nga dzhena tshidzuloni tsha khosikhulu. 

Mudivhi wa milayo ya zwa mvelele Vho-Zamokuhle Mopai* vho ṱanziela afho khothe uri naho Vho-Masindi Mphephu vhe ṅwana wa khosikhulu yo no dzamaho Vho-Dimbanyika Mphephu, mme avho vho vha vha songo dzetshelwa u beba ane a ḓo vha khosi. 

Mukololo Vho-Masindi Mphephu vha khou lwela tshidzulo tsha khosikhulu na khotsimunene wavho, khosikhulu ya kale Vho-Ṱoni Mphephu Ramabulana.