Tshanda tsha khomishinari wa mapholisa a lushaka vho imiswaho u shuma Vho-Shadrack Sibiya, vho vha vha khou bvelaphanda na u netshedza vhutanzi dzuloni la khomishini ya Madlanga doroboni ya Pretoria namusi.

Vho-Sibiya vho vhudza khomishini uri ramabindu wa North West Vho-Brown Mogotsi a vho vho ngo vhuya vha dzudzanya mutangano wavho na muhwelelwa wa u lingedza u vhulaha Vho-Vusimuzi "Cat" Matlala. Vho-Sibiya vho di vha vha tshi khou tumanywa na Vho-Matlala nga thanzi nnzhi dze dza tanziela kha khomishini, dza ri vha na vhushaka ha tsinisa navho. Vha ri vho tangana na Vho-Mogotsi lwa u tou thoma musi hu sa athu u swika duvha la u pembelela mabebo a lihoro la ANC, mahola.

Ri khou sedza leneli ri na mutodisisi wa mafhungo kha SABC Maswele Ralebona.