Presidennde Vho-Cyril Ramaphosa vha ri vha-Khomishini ya-zwaThodisiso ya-Nkabinde vho wana na u themendela uri Mulangi wa-zwaVhutshutshisi South Gauteng Advocate Vho-Andrew Chauke vho lugela u shuma kha vhuimo honoho.

Tshigwada tsha vhatodisisi kha iyo Khomishini a tshongo wana vhutanzi vhune ha sumbedza uri khamusi Vho-Chauke vha nga vho vho shuma zwi hanedzanaho na mulayo kana u dzhia tsheo nga ndila yo khakheaho kha fhungo la Cato Manor.

Khomishini yo dovha hafhu u hatula zwauri a hu na tshine tsha khou vhonala tsho khakhaea kha tsheo ye Vho-Chauke vha i dzhia ya u phumula milandu ye ya vha i tshi khou hweswa Mulangi wa-kale wa zwaVhusevhi Mapholisani, General Vho-Richard Mdluli.