Vha mafhungo a SABC vho wanulusa vhunwe vhutanzi ha uri mukhomishinara wa lushaka wa mapholisa Generala Vho-Fannie Masemola, vha nga kha di vha vha khou livhana na milandu mina(4) malugana na zwine ha khou humbulelwa uri a vha ngo anana na mulayo wa u langa masheleni a lushaka.

Milandu ndi ya vhukati ha la vhumalo la nwedzi wa Shundunthule nwaha wa gidi-mbili-fu-mbiliina na la vhu fu-raru-nthihi la nwedzi wa Shundunthule nwaha wa gidi-mbili-fu-mbili-thanu, hune ha pfi Vho-Masemola kha vhuimo havho sa muofisiri wa zwa masheleni mapholisani, hu khou humbulelwa uri a vha ngo anana na milayo zw sia hu tshi vha na u avhelwa ha thendara ya rannda dza dzi millioni khamphani ya Medicare24 ine ya vha ya Vho-Vusimuzi Cat Matlala vhane vha khou hwelelwa milandu ya u lingedza u vhulaha.

Vho-Masemola vha khou lavhelelwa u ya khothe nga la vhu fu-mbili-nthihi la nwedzi udaho.