Murado wa khoro ya komiti ya masipala o newaho vhudifhinduleli ha muhasho wa vhuendi masipalani wa Johannesburg Vho-Kenny Kunene vha ri nedorobo Vho-Dada Morero vho pfuka milayo ine ya langa ofisi yavho musi vha tshi dzhia tsheo ya u imisa u shuma ha dzinwe bisi dza Rea Vaya. 

Bisi dzine dza shuma zwikolobulasini u hwala vhathu dzi tshi vha isa zwititshini hune vha namela hone bisi dza Rea Vaya dzo imiswa u shuma. Vha lihoro la EFF na vhone mulovha vho bva mulomo vha tshi khou sasaladza tsheo ya Vho-Morero ine vha ri vho i dzhia vhe vhothe.