Minister wa zwa mudagasi na fulu-fulu Vho-KgosientshoRamokgopa, vhari vha Eskom vha khou shuma vhukuma u fhelisa maitele a u khauwa-khauwa ha mudagasi kana load reduction umona na shango.

Vho-Ramokgopa vho vha vha khou amba na madana na madana a vhadzulapo holoni ya tshitshavha ya Nkowankowa nnda ha Tzaneen vunduni la Limpopo. Vhari Tzaneen maitele a u khauwa-khauwa ha mudagasi o anda, nahone vho no di thoma u shuma u fhelisa maitele eneo.