Vha dzangano la madokotela Africa Tshipembe "South African Medical Association Trade Union kana SAMATU vho vha na mugwalabo namusi u livha Union Buildings doroboni ya Pretoria u swikisa mbilaelo dzavho dzi kwamaho vhaswa kha zwa mishumo. Vha ilo dzangano line la vha nga fhasi ha COSATU vhari tshivhalo tsha vhaswa vha sa shumi vha minwaha ya vhukati ha 15 na 24 tshi vho fhira % dza 70 zwine vha khou amba uri i to vha bomo yo rewaho ine ya nga thuthuba tshifhinga tshinwe na tshinwe.
U sedza leneli ri amba na muthusa presidennde wa u thoma wa dzangano la South African Medical Association Trade Union (SAMATU) Dokotela Vho-Nkateko Mnisi.

Vha lihoro la COPE vhari nzudzanyo dza u fhedza u itela mbulungo ya vhe vha vha vhe murangaphanda wa lihoro lenelo Vho-Mosiuoa "Terror" Lekota dzi khou tshimbila zwavhudi.
08:27

Vha dzangano la vhadzulapo, Defend Our Democracy vhari ndingedzo nga phuresidennde dza u toda u bvisa muhatuli Vho-Sisi Khampepe kha dzulo la khomishini ya TRT zwi khou disa u kwamea hunzhi.
06:35

Vha muhasho wa zwa vhuendi Limpopo vho tanganedza zwa u farwa ha vhahumbulelwa vhatanu-na-muthihi zwi tshi tevhela khakhathi dza vho radzi taxi fhala Zebediela.
05:37