Vha-lihoro la ActionSA vha ri vhaMuvhuso wa-Vundu la Gauteng vha khou shumisa masheleni a henefha kha Rannda dza-Bilioni tharu-khoma-thihi nga-nwaha, kha u funza kana u dededza vhagudiswa vhane vha vha vhana vha dzithundu, vhadzulapo vha manwe mashango vha re fhano Afrika Tshipembe.

Vha-lihoro ili vha ri izwi zwi khou vhetshela mutsiko zwiko zwine ha vho sala na pherani dza u funzela hu tshi khou dalesa tshivhalo tsho fhiraho tsho teaho tsha vhagudiswa, hu tshi khou vhaisala na migaganya-gwama.

Naho Ndayotewa ya lino shango i tshi tendela pfunzo kha vhana vhothe hu sa sedzwi vhubvo hawe, vhaActionSA vha ri vha na nyofho dzauri tshumelo iyo i do zwi kona naa, i do kondelela naa tshivhalo tsha vhana vha mashangoni a nnda vha re fhano kha lino vhane vha khou dibvela phanda na u anda.