Mudivhi wa zwa vhutshinyi Dokotela Vho-Mxolisi Mathebula vha khou vhudzisesa nga zwe Presidennde Vho-Cyril Ramaphosa vha thola Vho-Puleng Dimpane sa khomishinari wa lushaka o tou farelaho zwi tshi tevhela u imiswa u shumwa lwa tshifhinga nyana ha Vho-Fannie Masemola vhane vha kha di livhana na mulandu une vha khou hweswa wa u sa anana na mulayo wa ndaulo ya zwa masheleni PFMA. Vho-Mathebula vhari Vho-Dimpane a si vhone muthu o fanelaho u farela kha uho vhuimo ngauri vhari na vhone vho vha vho fanela vho kona u vhiga zwiito zwothe zwo bvaho sa CFO phanda ha musi zwi tshi swika kha Vho-Masemola vhane zwa zwino milandu yothe yo vhewa ntha ha thoho yavho vhe vhothe. Vhari masheleni a rannda dza milioni dza futhanu yo badelwa khaphani ya Medicare 24, nahone vhari a huna muthu ane a nga phasisa mbadelo heyo ngeno CFO vha sa zwi divhi.