Vha-City Power vha ri vho dzhia tsheo ya u tsima mudagasi vhuponi ha Tshepisong Vhukovhela ha-Johannesburg nga murahu ha musi ho vha na tshutshedzo dzo itelwaho vhalugisi kana vhoratekiniki vhe vha vha vha vho ya vhuponi uho u tsimela mudagasi fhedzi kha vhadzulapo vhe vha ditumela thambo dza mudagasi zwi siho mulayoni.

Vha-City Power vha ri ndi vhadzulapo vhane vha tou lingana phesenthe tharu fhedzi vhuponi ha Tshepisong vhane vhane vha khou renga mudagasi nga ndila ya vhukuma i re mulayoni, vhane vhunzhi havho vha vha vhoramabindu vhahulwane vhane mabindu avho a khou shuma vhuponi honoho.

Vhadzulapo avho mulovha vho vha vho thivha bada-khulwane ya Impala, zwe izwi zwa thiothisa nga maanda kutshimbilele kwa vhuendi, vha tshi gwalabela zwa u fhedza havho vhege yothe vha si na muadagasi vhuponi havho.