Vroeër vandeesmaand het ons RSG se Bekbasaar-potgooiaanbod bekendgestel. Dieremaniere met Elsje van Jaarsveld was die eerste van die nuwe aanbod. Vandag stel ons nóg 'n Bekbasaar bekend wat jy nie sommer sal wil misloop nie. TROU IS NIE PERDEKOOP NIE is ’n eerlike en skreeusnaakse potgooi oor verhoudings, liefde, troues en die dinge wat niemand hardop sê nie. Met skerp humor en diep gesprekke delf RSG-aanbieder, Eloise Cupido, en akteur/skrywer Solomon Cupido saam met gaste en luisteraars in die hart van wat dit beteken om lief te hê - én lief te bly. Stories ontmoet raad, kultuur bots met realiteit, en tradisie word bevraagteken. Luisteraars kan uitsien na rou eerlikheid, prettige gesprekke, verrassende insigte en baie lag. Elke episode bring vars perspektiewe op die dinge wat ons almal na aan die hart lê.

Op en Wakker is 'n ontbytprogram met al die inligting, vermaak en opheffende inhoud wat jy nodig het om die dag op die regte voet te begin.

Op en Wakker is 'n ontbytprogram met al die inligting, vermaak en opheffende inhoud wat jy nodig het om die dag op die regte voet te begin.

Advertisement