Baeteledipele ba mokgatlho wa barutabana, SADTU ba kgala go thapiwa ga leloko la lekoko la Democratic Alliance-DA, Siviwe Gwarube go nna tona ya thuto ya motheo. Ke lekgetlo la ntlha mo tsamaisong ya puso ya democracy go thapiwa motho yo e seng leloko la lekoko la ANC go nna tona ya thuto. Seno se latela tumelano ya baeteledipele ba makoko a farologaneng ya go tlhama puso e tshwaraganetsweng morago ga ditlhopo tsa bosetshaba le diprovince.