Mokhuduthamaga wa thuto kwa Gauteng, Matome Chiloane o ikuela go batsadi gore ba seke ba leta go fitlha letsatsi la bofelo la go dira dikopo tsa go kwadisa bana ba bone ba Grade 1 le Grade 8 ba ngwaga o tlang kwa dikolong. Batsadi ba tla  simolola go dira dikopo tsa go kwadisa bana ba Grade 1 le Grade 8 ka mokgwa wa Online go simolola ka Labone go fitlha kgwedi e tlang. Chiloane a re batsadi bao ba dirang dikopo thari ga batle go kgona go kwadisa bana ba bone kwa dikolong tseo ba di batlang.