Baeteledipele ba mekgatlho e maloko a yone a somarelang  ditshwanelo tsa bana, ba re ga go dirwe go lekane go samagana le batho ba ba sotlang bana. Seno ke jaaka beke e ka ga ditshwanelo le pabalesego ya bana e khutla kamoso. Go begilwe ditiragalo di le mmalwa tsa go bolawa le go betelelwa ga bana go ralala naga. Go ya ka dipatlisiso tsa ba Teddy Bear Foundation, bana ba feta dikete di le tharo, ba timetse mo dingwageng di le tlhano tse di ntseng di feta.