Moatlhodi wa kgotlatshekelo e kgolo kwa Bloemfontein, Phillip Loubser a re Tona wa bosiamisi ke ene a neng a tshwanetse go dira kopo ya gore mothusi wa tonakgolo ya maloba ya Free State, Ace Magashule e leng Moroadi Cholota a busediwe mo Afrika Borwa go tswa kwa America go tla go sekesiwa. Moatlhodi Loubser o atlhotse gore go ne go se mo molaong gore bathati ba bosekisi, NPA ba dire kopo ya gore Cholota a tlisiwe mo Afrika Borwa go tswa kwa America go tla go sekisiwa morago ga go tshwarwa. Loubser a re ba NPA, ba reteletswe ke go neela mabaka a gore ba dirile go ya ka tsamaiso e maleba  go busetsa Cholota mo Afrika Borwa gotswa kwa America, gore a tle go sekisediwa ditatofatso malebana le bonweenwee jo bo golagangwang le project ya go tlosiwa ga dithulelo tsa Asbestos kwa province ya Free State