Baeteledipele ba league ya basadi ya lekoko la ANC, ba re ba tshwengwa ke go oketsega ga ditiragalo tsa go sotliwa ga basadi mo Afrika Borwa. Mo tiragalo ya sesheng, mapodise a fitlhetse setopo sa ga Olorato Mongale se latlhetswe kwa Lombardy West kwa province ya Gauteng. Go begwa fa Mongale a bonwe labofelo a tsamaya le monna mongwe yo a itsegeng ka leina la "John". Baeteledipele ba league ya basadi ya lekoko la ANC ba re go tshwanetse ga diriwa go lekane go fedisa ditiragalo tseno.