Bathati ba lefapha la bosetshaba la merero ya selegae ba batlisisa dipego tsa gore batsadi bangwe ba rekisetsa baditshaba makwalo a matsalo, birth certificates tsa bana ba bona. Motsamaisi kwa kantorong ya merero ya selegae kwa Mitchells Plain kwa province ya Western Cape - Shereen Meyer, a re ba nale melato e le meraro, ya barutwana ba matric ba ba reteletsweng go ikwadisetsa makwalo  boitshupi, di-ID ka ntlha ya fa ba sa kgone go ba neela batlhankela di-birth certificate tsa bona. Meyer a re ba fitlheletse gore bomme ba barutwana bao ba rekiseditse baditshaba di-birth certificate tsa bona. Ga jaana go nale matshwenyego a go dirisiwa ga makwalo a boitshupo a batho go tsietsa. Go ya ka dipalo tsa ba setheo sa Southern African Fraud Prevention Service, ditiragalo tsa dirisiwa ga makwalo a boitshupo a batho go tsietsa di oketsegile ka di-percent di le makgolo-a-mane mo dingwageng di le pedi tse di fetileng.