Baeteledipele ba lekoko la ANC bosetshaba ba re ba nale tsholofelo ya gore baeteledipele ba ANC kwa province ya Northern Cape ba tla tlhabolola matshelo a baagi. Seno se latela conference ya maloko a ANC kwa Northern Cape ya go seka-seka merero ya lekoko le go tlhopa baeteledipele.  Monnasetulo wa ANC kwa province ya Northern Cape, Zamani Saul, motlatsa-monnasetulo, Bentley Vass, mokwaledi wa province, Deshi Ngxanga, motlatsa-mokwaledi, Maruping Lekwene le motshola matlole, Fufe Makatong ba tlhopilwe gape ntle le gore go nne le bao ba gaisanang le bona.