Batlhankela ba commission ya ditlhopo, IEC, ba re ba tla itsise maloko a committee ya parliament e e ka ga merero ya selegae, ka tshitshinyo ya bona ya gore melao mengwe mo Electoral Act e fetolwe, pele ga ditlhopo tse di tlang tsa di-masepala. Go solofelwa fa batlhankela ba IEC ba tla kopana le maloko a committee eno mo dibekeng di le pedi tse di tlang. Motlatsa-Motlhankela yo mogolo kwa IEC - Masego Shiburi, a re ba totile thata go fetolwa ga Section 15 mo Electoral Act, e e malebana le go seka-sekiwa ga lenaane la batlhopi.