Baeteledipele ba lekoko la Democratic Alliance, DA le baeteledipele ba mokgatlho wa baagi, AfriForum ba re katlholo ya moatlhodi wa Equality Court kgatlhanong le moeteledipele wa lekoko la Economic Freedom Fighters, EFF - Julius Malema e tla dira gore baeteledipele ba makoko a sepolitiki ba dirisa mafoko ka mokgwa o o maleba. Malema o bonwe molato wa go dirisa mafoko a tlhotlheletsang letlhoo dingwaga di le tharo tse di fetileng. Malema o ne a bua le maloko a lekoko kwa provincial People's Assembly kwa province ya Western Cape, a tebang le  tiragalo ya kwa sekolong sa Brackenfell - e e neng ya tlhola kgotlhang magareng ga basweu le maloko a lekoko ba bantsho. Baetelepele ba lekoko la EFF ba re ba tlile go ikuela kgatlhanong le katlholo eno.