Goitseone Moremi o buisana le moitseanape wa molao go tswa kwa Dubazana Attorneys, Nthabiseng Dubazana malebana le tshweetso ya Bathati ba bosekisi, NPA ba re ba sweditse go latofatsa mokgweetsi wa Minibus e neng e pegile barutwana kwa Vanderbijlpark ka go bolaya ka maikaelelo. Ba NPA ba re ba nale bopaki jo bo lekaneng gore Ayanda Dludla a sekisediwe molato wa go bolaya ka maikaelelo. Seno se latela gore mini-bus o Dludla a neng a o kgweetsa o thulaneng le truck kwa Vanderbijlpark. Go tlhokafetse barutwana ba le some le bone mo kotsing eo. Dludla o ne a tlhageletse kwa kgotlatshekelo ya magistrate ya Vanderbijlpark. O latofatswa ka melato ya go bolaya e le lesome le bone le melato e le meraro ya go batla go bolaya