Goitseoene Moremi o buisana le monnasetilo wa ba Public Interest South Africa, Tebogo Khaas  malebana le ditiragalo tsa bonweenwee mo Afrika Borwa. Ba Public Interest South Africa ba re ba batla go dirwe seo se leng maleba go sireletsa batho ba ba begang ditiragalo tsa bonweenwee, di-Whistle Blower. Gompieno ke letsatsi la boditshaba la go nna kgatlhanong le bonweenwee - International Anti-Corruption Day. Go begilwe ditiragalo di le mmalwa mo Afrika Borwa tsa go bolawa ga batho ba ba begang ditiragalo tsa bonweenwee. Tiragalo ya sesheng ke ya go bolawa ga Marius Van Der Merwe yo a neng a neela ka bopaki go maloko a Madlanga Commission.