Baeteledipele ba mokgatlho wa di-taxi, SANTACO ba kgatlhanong le gore bakgweetsi ba dikoloi tsa di-seven seater ba pege batho. Baeteledipele ba SANTACO ba re bakgweetsi ba di-taxi, ba ntse ba ngongorega ka gore go dira ga bakgweetsi ba di-seven seater go ama kgwebo ya bone. Beng ba di-taxi kwa Klerksdorp mo Province ya North West, ba re ba batla gore mapodisi le batlhankela ba pharakano ba tshware bakgweetsi ba dikoloi tsa di-seven seater, ba ba pegang batho go se mo molaong kwa kgaolong ya bone. Beng ba di-taxi ba ne ba parega tsela ka di-taxi. Baeteledipele ba SANTACO ba ikuela go bathati ba lefapha la dipalangwa go thibela bakgweetsi ba dikoloi tsa di-seven seater go pega batho. Goitseone Moremi o buisana le mokwaledi wa ba SANTACO mo province ya NorthWest, Shyekile Mayekani ka seno.