Batlhankela ba setheo sa madi a thuso a puso,di-social grant,  SASSA ba re ga se nnete gore ba emisitse go neela baagi di-social grant tsa bone. Ga jaana batlhankela ba SASSA ba tsweletse ka tsamaiso ya go seka-seka gore a batho ba ba amogelang di-social grant ke ba ba maleba. Batlhankela ba SASSA ba re ba fitlhetse fa batho ba feta dikete di le makgolo a le mabedi ba ba amogelang di-social grant, ba sa ba itsise gore go nale madi a mangwe a ba amogelang. Go begwa fa bangwe ba batho bano ele badiri ba puso. Baeteledipele ba mekgatlho ya baagi ba re tsamaiso eno ya ba SASSA e dira gore baagi ba seka ba amogela di-social grant tsa bone.