Goitseone Moremi o buisana le Sebueledi sa bosetshaba sa ba lekoko la Democratic Alliance, Karabo Khakhau  tebang le gore ga ba itumelele dintlha di le mmalwa mo Government of National Unity, GNU. Baeteledipele ba lekoko la DA ba batla gore President Cyril Ramaphosa a tlose mo maemong ditona le batlatsa ditona ba eleng maloko a lekoko la ANC bao ba latofadiwang ka bonweenwee. Seno se latela gore President Ramaphosa a tlose mo maemong motlatsa-tona wa dikgwebo le madirelo, Andrew Whitfield. Whitfield ke leloko la DA.  Mokwaledi wa bosetshaba wa lekoko la ANC, Fikile Mbalula a re baeteledipele ba lekoko la DA fa ba batla go tlogela go nna le seabe mo GNU ba ka nna ba dira jalo