Tona wa mapodise, Senzo Mchunu a re o santse a seka-seka ditatofatso tse di dirilweng ke Commissioner wa mapodise kwa province ya KwaZulu Natal, Lieutenant General Nhlanhla Mkhwanazi. Seno se latela gore Mkhwanazi a latofatse Tona Mchunu le motlatsa Commissioner wa bosetshaba wa mapodise, Shadrack Sibiya ka go itshunya mo tirong ya maloko a Police Task Team mo go batlisiseng go bolawa ga batho go go golagangwang le merero ya sepolitiki kwa province ya KwaZulu Natal.