Judge president wa nakwana wa kgotlatshekelo e kgolo ya Gauteng, Aubrey Ledwaba o ikuela gore a neele ka bopaki go maloko a Madlanga Commission malebana le ditatofatso kgatlhanong le ena. Go ya ka bopaki jo bo neetsweng ke mongwe wa dipaki yo e leng lepodise, go begwa Ledwaba a  duetswe diranta di feta dimillion di le pedi gore mogwebi Katiso Molefe a gololwa ka bail. Ledwaba o ganetsa dipego tseno. Moatlhodi-mogolo Mandisa Maya o ne morago a kopa Ledwaba go tlogela tiro nakwana go latela dipego tseno. Ledwaba a re a ka se tlogele tiro nakwana.