Bathati ba lefapha la bosetshaba la metsi le kgelelo ya leswe ba re ba tshwengwa ke go oketsega ga batho ba ba naleng bolwetsi ba Typhoid Fever kwa dikgaolong dingwe tsa masepala wa The City of Tshwane. Go begwa fa batho ba le masome a mane le borobedi ba setse ba nale bolwetsi jono ngwaga eno. Legale batsamaise ba masepala ba re metsi a a neelwang baagi ke ba masepala le ba setlamo sa Magalies Water le Rand Water ga a na mogare, Salmonella Typhi Bacteria o o tlholang bolwetsi jwa Typhoid Fever. Ba re metsi ga se ona tlholang go runya ga bolwetsi jono kwa dikgaolo dingwe tsa masepala wa The City of Tshwane, jaaka go ne go begwa.