Mmatlisisi kwa go ba setheo se se elang tlhoko merero ya meepo, Bench Marks Foundation, David Van Wyk a re morero wa badiri ba moepo ba ba seng mo molaong, bo-Zama Zama a tlholwa ke mathata a matlole. Banni-le-seabe mo mererong ya meepo ba ba akaretsang ba mekgatlho ya baagi, ba re mapodise a ka se atlege ka letsholo la go samagana le badiri ba moepo ba ba seng mo molaong la 'Operation Val'Umgodi'. Van Wyk a re badiri ba moepo ba ba seng mo molaong ke badiri ba moepo ba ba fokoditsweng mo tirong kwa meepong, fela ba sa duelwa madi a bona a pension kgotsa ba duetswe madi a sa lekaneng.