Maloko a committee ya parliament e e ka ga merero ya dikgolegelo a re ba malapa a batshwarwa ba eleng basha ga ba ba duelele madi a bail, gonne ba dumela gore fa ba ka gololwa, ba ka tswelela go amega mo ditiragalong tsa bosenyi. Maloko a ne a bua seno morago ga gore ba ye go seka-seka maemo kwa dikgolegelong tse di farologaneng tsa naga. Go ya ka tshedimosetso ya ba lefapha la dikgolegelo, go nale dikgolegelo tsa basha di le lesome le botlhano mo nageng. Go nale batshwarwa ba ba dingwaga tse di magareng ga lesome le borobedi le masome a mabedi le botlhano kwa go dikgolegelong tseno.