Tona wa di-masepala, Velenkosini Hlabisa o rotloetsa baagi go nna le seabe mo lenaane la go sekwa sekwa sesha ga molawana o malebana le go tsamaisiwa ga di-masepala,White Paper on Local Government. Hlabisa a re seno se tla thusa go rarabolola mathata a go sa direng sentle ga bathati ba di-masepala mo nageng. Hlabisa a re baagi le banni le seabe botlhe ba tshwanetse go dirisana go tla ka maano a go thusa bathati ba di masepala go neela baagi ditirelo. Molawana o o dirisiwang ga jaana ke wa dingwaga di le masome a mabedi le bosupa tse di fetileng. Go ya ka dipatlisiso tsa ba Stellenbosch University Bureau for Economic Research, go sa direng sentle ga dimasepala go koafatsa go gola ga economy.