Moitsanape mo lephateng la dipatlisiso mo mererong ya boitekanelo kwa Wits University - Professor Xavier Gómez-Olivé a re manaane a go rotloetsa batho go dira diteko tsa HIV le go nwa melemo ya bona, a totile thata basha, le mororo batho ba le bantsi ba ba tshwaetsegang ka HIV e le ba ba naleng dingwaga tse di fetileng masome a matlhano. Professor Gómez-Olivé a re go ya ka dipatlisiso tse ba di dirileng ke batho ba feta di-percent di le masome a mabedi le botlhano ba naleng dingwaga di feta masome a matlhano, mo continent ya Africa, bao ba tlabong ba tshwaetsegile ka HIV mo dingwageng di le lesome le botlhano tse di tlang. A re batho ba le bantsi ba ba naleng dingwaga di feta di le masome a matlhano, ba ba tshwaetsegileng ga jaana ga ba na tshedimosetso e lekaneng ka HIV. A re batho ba ba amegang thata ke bao ba humanegileng le batlholagadi.