President Cyril Ramaphosa a re o kgotsofalela ka moo kopano ya gagwe le president wa America, Donald Trump e tsamaileng ka teng. Ramaphosa o ne a buisana le President Trump ka merero e farologaneng e e akaretsang ya kgwebo le go dirisana ga bona. President Trump o boleletse President Ramaphosa gore o tshwengwa ke dipego tsa go bolawa ga basweu mo Afrika Borwa.  Trump o ne a tshameka video e mo go yona moeteledipele wa lekoko la Economic Freedom Fighters-EFF, Julius Malema, a opelang pina e e neng e opelwa ka nako ya go nna kgatlhanong le tsamaiso ya puso ya tlhaolele  ya 'Kill The Boer'. Trump a re seno sesupa fa baagi ba morafe wa Ma-Afrikaner ba sa tsholwa sentle mo Afrika Borwa, ba tseelwa mafatshe ka dikgoka le go bolawa.