Maloko a committee ya parliament e e ka ga merero ya thuto ya di-University le di-College, a batla gore tona  Buti Manamela a tlhalose mabaka a go thapa batlhankela ba ba tla tsamaisang merero ya di-SETA, di-administrator. Tona Manamela o itsisitse go thapa di-administrator go tsamaisa merero ya di-SETA di le tharo, gonne a re seno se tla thusa go fedisa bonweenwee le go sa dirise matlole sentle. Leloko la committee ya parliament mo merero ya thuto ya di-Unversity le di-College - Karabo Khakhau a re batlhankela bano ba filwe maikarabelo a go tsamaisa di-SETA le mororo ba golagangwa le ditatofatso tsa go sa dirise matlole a puso sentle. Modulasetilo wa committee - Tebogo Letsie o kwaletse Tona Manamela gore a arabe dipotso malebana le tshwetso ya gagwe.