Kelebogile Kgetse o buisana le mmatlisisi kwa mokgatlhong o ka ga ditshwanelo tsa baagi wa SERI - Thato Masiangoako le President wa mokgatlho wa baagi, Operation Dudula - Zandile Dabula 

Moatlhodi wa kgotlhatshekelo e kgolo kwa Johannesburg, Leicester Adams, a re o tla seka-seka dintlha pele a ka atlhola mo morero wa baeteledipele ba mekgatlho ya baagi ba ba ngongoregang ka go sa tsholweng sentle ga baditshaba mo nageng. Baeteledipele ba mekgatlho e akaretsa Kopanang Africa Against Xenophobia, SERI, Abahlali ba se Mjondolo, South African Informal Traders Forum le ba Inner City Federation ba isitse ngongorego kwa kgotlhatshekelo malebana le go kgethololwa le letlhoo go baditshaba, Xenophobia, kgatlhanong le baeteledipele ba mokgatlho wa baagi - Operation Dudula. Baeteledipele ba mekgatlho eno ba tlhatlhetse gape ngongorego kgatlhanong le bathati ba lefapha la merero ya selegae le ba mapodise, ba ba latofatsa ka go dirisana le baeteledipele ba Operation Dudula go kgetolola baditshaba mo nageng.