Kelebogile Kgetse o buisana le moitseanape wa merero ya mapodise - Thabang Bogopa

Leloko la Mayoral Committee mo mererong ya go sirelediwa ga baagi kwa The City of Johannesburg, Mgcini Tshwaku, o ikuela go Tonakgolo wa Gauteng - Panyaza Lesufi le mokhuduthamaga wa merero ya dimasepala - Jacob Mamabolo, go thusa go rarabolola dikgotlhang tse di etegelang magareng ga mapodise, SAPS le mapodise a masepala - JMPD. Go sa le gale, batlhankela ba lephata la Tactical Response Unit kwa JMPD, ba tshwerwe ke mapodise kwa Bekkersdal, gaufi le Johannesburg, ka nako ya letsholo la ba JMPD la go tshwara batho ba ba golagangwang le bosenyi ba go thuba mo matlong le go utswa dikoloi.