Kelebogile Kgetse o buisana le councillor wa ba lekoko la - Republican Conference of Tshwane, Lex Middelberg. 

Ma-councillor a kwa The City of Tshwane a dumelane go okelediwa dituelo tsa bona tsa kgwedi, fela go councillor a le mongwe yo a leng kgatlhanong le seo.  Councillor wa ba lekoko la - Republican Conference of Tshwane, Lex Middelberg, ke councillor a le nosi yo a leng kgatlhanong le gore dituelo tsa ma-councillor kwa masepala di okediwe ka di-percent di le tlhano. Mo kopanong ya council go sa le gale, ma-councillor a feta makgolo a mabedi a ne a voter go amogela gore dituelo tsa bona di okediwe. Dituelo tsa bona tsa kgwedi di tla okediwa go simolola ka kgwedi ya Phukwi ngwaga oo fetileng. Go begwa fa e le dingwaga di ka nna nne ma-councillor The City of Tshwane ba sa okelediwe dituelo tsa kgwedi.