Kelebogile Kgetse o buisana le sebueledi sa ba Corruption Watch, Moepeng Talane. 

Executive Mayor wa The City of Ekurhuleni, Nkosindiphile Xhakaza o ikuela go commissioner wa bosetshaba wa mapodise, General Fanie Masemola go batlisisa go thuntsiwa le go bolawa ga batlhankela ba masepala. Seno se latela go bolaiwa ka go thuntsiwa ga motlhankela yo okameng lephata la borunyi, forensic audits kwa Masepala wa The City of Ekurhuleni, Mpho Mafole. Mafole o bolailwe ka go thuntsiwa malatsi a le mane a fetileng fa a ne a tswa kwa kopanong ya tiro. Xhakaza a re o dumela fa go bolawa ga ga Mafole go golagangwa le dipatlisiso tse a neng a di dira tebang le go nyelela ga diranta di ka nna dibillion di le pedi mo bonweenwee ba dituelo tsa ditirelo tsa motlakase kwa masepaleng.